"Арсенал" бош мураббийи Микель Артета жамоасининг АПЛ 26-турида "Вест Хэм"дан учралган мағлубияти ҳақида фикр билдирди.

Мутахассиснинг сўзларини ESPN нашри иқтибос келтиради.

"Ҳужумчи йўқлигими? Йўқ, мен буни инкор этаман, бу муаммо эмас эди.

Бугун мен ва футболчиларнинг савияси ҳақида гапираман. Чемпион бўлишни истаган жамоа учун бу етарли эмас.

Тўпга эгалик қилиш фоизи ва 20 та зарбага қарамай, ўйинни ўзгартириш учун керакли даражада эканлигимизни ҳис қилмадим.

Жамоа ғазабланиши керак. Биз ўзимизга муносиб даражада ўйнай олмадик, шунинг учун ҳам жуда жаҳлим чиқди. Энди биз фақат ишлашимиз керак, лекин ҳозир ҳамма нарса ўз қўлимизда эмас, бу ҳам мени ғазаблантирмоқда" - деди Артета.

Эслатиб ўтамиз, 26 турдан кейин лондонликлар 53 очко билан турнир жадвалида иккинчи ўринда бормоқда. "Ливерпуль" ҳисобида 61 очко бор, аммо бугун "Манчестер Сити" билан ўйнайди.

"Канонирлар" навбатдаги ўйинини 26 февраль куни "Ноттингем Форест"га қарши ўтказади.