Fransiya Liga 1 musobaqasining 2024/2025 yilgi mavsumi 23-turidan o‘rin olgan «Lion» va «PSJ» jamoalari o‘rtasidagi bahs yakunlandi. Uchrashuv «Grupama» stadionida bo‘lib o‘tdi va unda parijliklar 3:2 hisobida g‘alaba qozonishdi.

Uchrashuvda hisob 53-daqiqada «PSJ» himoyachisi Ashraf Hakimiy tomonidan ochildi. 59-daqiqada Usman Dembele Xvicha Kvarasxeliyaning uzatmasidan so‘ng jamoasi ustunligini oshirdi. 83-daqiqada Rayan Sherki «Lion»ning ilk golini urdi, ammo ikki daqiqadan so‘ng Hakimiy o‘zining ikkinchi goliga mualliflik qildi. 90+2-daqiqada Korentin Tolisso ikkinchi golni ursa-da, bu jamoasiga ochko olishga yetarli bo‘lmadi.  

Shu natijadan so‘ng, «Lion» 23-turdan keyin 36 ochko bilan Liga 1 turnir jadvalida 6-o‘rinni egallab turibdi. «PSJ» esa 59 ochko bilan musobaqa peshqadami bo‘lib turibdi.

Fransiya — Liga 1. 23-tur
23 fevral 2025, yakshanba  
Lion, «Grupama» stadioni  
Lion – PSJ – 2:3 (0:0)
Gollar: 0:1 – Hakimiy, 53; 0:2 – Dembele, 59; 1:2 – Sherki, 83; 1:3 – Hakimiy, 85; 2:3 – Tolisso, 90+2.