"PSJ" vingeri Usmon Dembele 2025 yil boshida tarixiy samaradorlik ko‘rsatmoqda.

27 yoshli futbolchi yakshanba kuni Liga 1 doirasida "Lion" darvozasini ishg‘ol qildi. Endi Dembelening hisobida yanvar oyi boshidan buyon kiritilgan 16 ta gol bor. "Footmercato" nashrining xabar berishicha, barcha beshta yetakchi chempionat vakillari orasida faqatgina Lionel Messi va Krishtianu Ronaldu 21-asr boshidan beri taqvim yilining dastlabki ikki oyida bu ko‘rsatkichga erishgan. Usmon o‘z vaqtida yanvar va fevral oylarida 16 ta gol urgan portugaliyalik bilan tenglashib oldi. Rekord argentinalik futbolchiga tegishli - 2 oyda 17 gol.

Eslatib o‘tamiz, o‘tgan mavsum davomida Dembele bor-yo‘g‘i 6 marta raqiblar darvozasini ishg‘ol qilgandi - 42 ta o‘yinda.