"ПСЖ" вингери Усмон Дембеле 2025 йил бошида тарихий самарадорлик кўрсатмоқда.
27 ёшли футболчи якшанба куни Лига 1 доирасида "Лион" дарвозасини ишғол қилди. Энди Дембеленинг ҳисобида январь ойи бошидан буён киритилган 16 та гол бор. "Footmercato" нашрининг хабар беришича, барча бешта етакчи чемпионат вакиллари орасида фақатгина Лионель Месси ва Криштиану Роналду 21-аср бошидан бери тақвим йилининг дастлабки икки ойида бу кўрсаткичга эришган. Усмон ўз вақтида январь ва февраль ойларида 16 та гол урган португалиялик билан тенглашиб олди. Рекорд аргентиналик футболчига тегишли - 2 ойда 17 гол.
Эслатиб ўтамиз, ўтган мавсум давомида Дембеле бор-йўғи 6 марта рақиблар дарвозасини ишғол қилганди - 42 та ўйинда.
