"Fenerbaxche" ikki oydan ortiq vaqt davomida mag‘lub bo‘lmayapti.
Kecha Joze Mourinyo jamoasi Turkiya chempionatining 25-turida "Galatasaroy" (0:0) bilan durang o‘ynadi.
"Fenerbaxche" oxirgi marta 11 dekabr kuni - Yevropa Ligasi doirasida "Atletik"ka qarshi o‘yinda (0:2) mag‘lub bo‘lgandi. O‘shandan beri barcha turnirlarda Istanbul jamoasi 11 g‘alaba va 5 durang qayd etdi.
Turkiya chempionati turnir jadvalida "Fenerbaxche" 24 o‘yinda 58 ochko to‘plab, 2-o‘rinda bormoqda. "Galatasaroy" Mourinyo jamoasidan 6 ochkoga oldinda bormoqda.