Milanning "Inter" klubi yarim himoyachisi Xakan Chalxano‘g‘li yozda jamoasini o‘zgartirishi mumkin.

Joriy mavsum boshlanishidan oldin ham turk bilan shartnoma imzolashga "Bavariya" qiziqish bildirgan edi, keyinchalik futbolchining o‘zi buni tasdiqladi. Sport Mediaset nashri tarqatgan xabarga ko‘ra myunxenliklar xavbekni yaqinlashib kelayotgan transferlar davrida yana o‘z safiga qo‘shib olishga urinib ko‘rishi mumkin. Shuningdek, 31 yoshli futbolchiga Angliyaning "Nyukasl" klubi ham qiziqish bildirmoqda.

Xakan Chalxano‘g‘li 2021 yilning yozidan buyon "Inter" sharafini himoya qilib kelmoqda. Tajribali yarim himoyachining "neradzurrilar" bilan amaldagi mehnat shartnomasi 2027 yilning yarmigacha mo‘ljallangan.