Миланнинг "Интер" клуби ярим ҳимоячиси Хакан Чалханўғли ёзда жамоасини ўзгартириши мумкин.

Жорий мавсум бошланишидан олдин ҳам турк билан шартнома имзолашга "Бавария" қизиқиш билдирган эди, кейинчалик футболчининг ўзи буни тасдиқлади. Sport Mediaset нашри тарқатган хабарга кўра мюнхенликлар хавбекни яқинлашиб келаётган трансферлар даврида яна ўз сафига қўшиб олишга уриниб кўриши мумкин. Шунингдек, 31 ёшли футболчига Англиянинг "Ньюкасл" клуби ҳам қизиқиш билдирмоқда.

Хакан Чалханўғли 2021 йилнинг ёзидан буён "Интер" шарафини ҳимоя қилиб келмоқда. Тажрибали ярим ҳимоячининг "нерадзуррилар" билан амалдаги меҳнат шартномаси 2027 йилнинг ярмигача мўлжалланган.