Myunxenning "Bavariya" boshqaruvi a’zosi Uli Xyoness Tomas Myuller faoliyatini yakunlaganidan keyin nima qilishi mumkinligi haqida gapirdi.
35 yoshli forvardning mehnat shartnomasi joriy mavsum oxirida yakuniga yetadi. Futbolchi butsasini mixga osib qo‘yishni o‘ylamoqda.
"Men Myuller murabbiy bo‘ladi deb o‘ylamayman, lekin u klubda deyarli har qanday pozisiyani egallashi mumkin, chunki unda buning uchun hamma narsa yetarli.
Men unga kelajakda uni "Bavariya"da u yoki bu rolda ko‘rishdan xursand bo‘lishimni aytgandim, lekin avvaliga tanaffus qilishni, bir muncha vaqt hamma narsadan uzoqlashishni maslahat bergan bo‘lardim", - deya Xyonessning so‘zlarini keltiradi Bayern & Germany.













