Мюнхеннинг "Бавария" бошқаруви аъзоси Ули Хёнесс Томас Мюллер фаолиятини якунлаганидан кейин нима қилиши мумкинлиги ҳақида гапирди.
35 ёшли форварднинг меҳнат шартномаси жорий мавсум охирида якунига етади. Футболчи бутсасини михга осиб қўйишни ўйламоқда.
"Мен Мюллер мураббий бўлади деб ўйламайман, лекин у клубда деярли ҳар қандай позицияни эгаллаши мумкин, чунки унда бунинг учун ҳамма нарса етарли.
Мен унга келажакда уни "Бавария"да у ёки бу ролда кўришдан хурсанд бўлишимни айтгандим, лекин аввалига танаффус қилишни, бир мунча вақт ҳамма нарсадан узоқлашишни маслаҳат берган бўлардим", - дея Хёнесснинг сўзларини келтиради Bayern & Germany.
