«PSJ» darvozaboni Janluidji Donnarummaning agenti Enso Rayola italiyalik posbonning parijliklar safidagi faoliyatiga doir mish-mishlar fonida izoh berdi.  

Donnarummaning «PSJ» bilan shartnomasi 2026 yil iyuniga qadar amal qiladi. OAV ma’lumotlariga ko‘ra, kelasi yozda uni «Inter» sotib olishga harakat qiladi. Shuningdek, shartnoma tugaganidan so‘ng u erkin agent sifatida boshqa jamoaga o‘tishi ehtimoli ham bor.  

«Donnarumma – «PSJ» va milliy jamoa darvozaboni bo‘lib, bir necha klublar unga qiziqish bildirmoqda, bu esa mutlaqo tabiiy. Uning shartnomasini uzaytirish bo‘yicha muzokaralar o‘tgan yozda boshlangan va biz bu yo‘nalishda xotirjam ish olib bormoqdamiz. UYEFA qoidalariga muvofiq, klub moliyaviy o‘zgarishlar kiritib, byudjetni o‘zgartirdi. Biz «PSJ»ning yangi shartnoma boshqaruv siyosatiga rioya qilyapmiz va uzaytirish imkonini ko‘rib chiqmoqdamiz, ammo hozircha hech qanday shoshilinch holat yo‘q», – deb Rayolaning so‘zlarini Foot Mercato keltirdi.  

«Inter» yoki boshqa klublar bilan hech qanday aloqa bo‘lmagan. Agar futbolchi transfer bozoriga qo‘yilsa, uning uchun qiziqish bildiradigan jamoalarni topish qiyin bo‘lmaydi. Agar kelgusi oylarda qandaydir o‘zgarishlar ro‘y bersa, biz vaziyatni qayta baholaymiz», – deya qo‘shimcha qildi Rayola.

Joriy mavsumda Donnarumma «PSJ» safida 27 ta o‘yinda maydonga tushgan.