"Barselona"ning sobiq futbolchisi Jerar Pike futbolga hujumkorlikka asoslangan qoidalarni joriy etishni taklif qilmoqda.

Pikening fikricha, 0:0 hisobidagi durang uchun jamoalarga ochko bermaslik mumkin.

"Biror kishi chipta uchun 100, 200 yoki 300 yevro sarflasayu, o‘yin 0:0 hisobida yakunlansa, hafsalangiz pir bo‘lishi mumkin.

Biror narsani o‘zgartirish kerak. Bitta yechim: agar o‘yin 0:0 hisobida yakunlansa, jamoalar ochko olmasligi kerak.

Shunday vaziyatda 70-daqiqadan keyin o‘yin qanday bo‘lishini tasavvur qiling", - dedi Pike.