"Барселона"нинг собиқ футболчиси Жерар Пике футболга ҳужумкорликка асосланган қоидаларни жорий этишни таклиф қилмоқда.

Пикенинг фикрича, 0:0 ҳисобидаги дуранг учун жамоаларга очко бермаслик мумкин.

"Бирор киши чипта учун 100, 200 ёки 300 евро сарфласаю, ўйин 0:0 ҳисобида якунланса, ҳафсалангиз пир бўлиши мумкин.

Бирор нарсани ўзгартириш керак. Битта ечим: агар ўйин 0:0 ҳисобида якунланса, жамоалар очко олмаслиги керак.

Шундай вазиятда 70-дақиқадан кейин ўйин қандай бўлишини тасаввур қилинг", - деди Пике.