Bugun poytaxtimizdagi 17-umumta’lim maktabida Parij-2024 yozgi Olimpiya o‘yinlari chempioni Diyora Keldiyorova dzyudo sport klubi zalining tantanali ochilish marosimi bo‘lib o‘tdi.
Xalqaro dzyudo federasiyasi, Sport vazirligi, O‘zbekiston Milliy Olimpiya va Paralimpiya qo‘mitalari, mamlakat dzyudo federasiyasi rahbariyati ishtirok etgan tadbir dzyudo oilasi uchun o‘ziga xos bayramga aylandi.
Tadbirda so‘z olgan rasmiylar yurtimizda dzyudo rivoji alohida bosqichga ko‘tarilayotganini alohida ta’kidlab, ushbu dzyudo zali kelgusida Diyora Keldiyorova singari chempionlarni kashf etishini tilab qolishdi.
