"Barselona"ning sobiq futbolchisi Tyerri Anri Kataloniya klubi vingeri Lamin Yamal haqida fikr bildirdi.

"Lamin Yamalda gollari, mahorati va driblingidan tashqari, yetukligi meni eng ko‘p hayratga soladi. Bu o‘ziga xos o‘yinchi, chunki u o‘yin ritmini qanday boshqarishni biladi," - deya Anrining so‘zlarini keltiradi «Barca Universal».

Joriy mavsumda 17 yoshli Yamal barcha musobaqalarda 34 ta o‘yinda maydonga tushib, 11 marta raqiblar darvozasini ishg‘ol qildi va 17 ta golli uzatma muallifiga aylandi.