"Manchester Yunayted" bosh murabbiyi Ruben Amorim jamoaning sobiq futbolchisi Roy Kinning so‘zlariga javob berdi.

Kin avvalroq "qizil iblislar"ga Bruno Fernandesh o‘rniga yangi sardor kerakligini aytgan edi.

"Men bu haqda eshitdim. Biroq boshqacha fikrdaman. Bruno biz va klub uchun juda muhim. U qiyin sharoitlarda yaxshi o‘ynaydi.

U har doim mas’uliyatni o‘z zimmasiga olishni xohlaydi. U g‘alaba qozonishni xohlaydi va ba’zida umidsizlikni yengishi qiyin.

Har kimning o‘z fikri bor. Roy Kin klubda bo‘lganidan beri yuqori talablarga ega edi. Men qarama-qarshi fikrdaman. Menimcha, mening fikrim Roy Kinnikidan muhimroq, chunki men murabbiyman”, dedi Amorim matbuot anjumanida.