"Manchester Yunayted" "Byornli"ning 22 yoshli darvozaboni Jeyms Traffordga qiziqish bildirmoqda, "qizil iblislar" uni darvozabon Andre Onanaga o‘rinbosar sifatida ko‘rmoqda. Bu haqda Caught Offside xabar bermoqda.

Manbaga ko‘ra, Onana mankunianliklar uchun omadsiz kechayotgan joriy mavsumdan keyin "Manchester Yunayted"ni tark etishi mumkin. Traffordga "Nyukasl" ham qiziqish bildirmoqda, ammo "qizil iblislar" "Manchester Siti" tarbiyalanuvchisini o‘z safiga qo‘shib olish uchun ko‘proq imkoniyatga ega, chunki ular unga 5 yillik shartnoma taklif qilishga tayyor.