"Barselona" hujumchisi Ferran Torres yaqinda bo‘lib o‘tgan "Atletiko"ga qarshi o‘yinni (4:4) esladi.
Uchrashuv 25 fevral kuni Ispaniya kubogi yarim finali doirasida bo‘lib o‘tdi.
Kataloniyaliklar boshida ikkita gol o‘tkazib yuborgan bo‘lsa-da, tezda o‘ziga keldi va keyin 4:2 hisobida oldinga chiqib oldi.
Yakunda “matraschilar” o‘zlarida kuch topib, durang natijani qayd etishdi.
“Atletiko”ga qarshi o‘yin faoliyatimdagi eng qiziqarli o‘yinlardan biri bo‘ldi. Dastlabki yetti daqiqada ikki marta gol o‘tkazib yubordik, ammo bizning kuchimiz o‘yinni o‘zgartirishga va muxlislarni o‘yinga qaytarishga imkon berdi”, — deya Torresning so‘zlarini keltiradi Barca Universal.













