"Palmeyras" vingeri, 17 yoshli Estevao Villian Yevropaga ko‘chib o‘tishdan oldin o‘z vatanida ajoyib o‘yin ko‘rsatmoqda.
Vunderkind "Paulista" ligasida "San-Bernardo"ga qarshi o‘yinda (3:0) dubl qayd etdi. Futbolchi endilikda 30 ta gol va 10 ta golli uzatmaga ega.
DataFut ma’lumotlariga ko‘ra, Estevao Neymardan keyin 18 yoshga to‘lmasdan oldin bu marraga erishgan birinchi braziliyalik bo‘ldi.
Yaqinda "Santos"ga qaytgan mashhur forvard 2010 yilda shunday natijaga erishgandi.
Eslatib o‘tamiz, kelasi yozda Estevao Villian Londonning "Chelsi"siga o‘tadi.