"Manchester Yunayted" bosh murabbiyi Ruben Amorim jamoa markaziy himoyachisi Leni Yoroning istiqbollari haqida qanday fikrda ekanini aytdi.
Fransuz o‘tgan yozda "qizil iblislar" safiga ko‘chib o‘tib, 2029 yilgacha mo‘ljallangan shartnoma imzolagandi. Noyabr oyida "Lill"ning sobiq futbolchisi 19 yoshga to‘ldi.
"Yoro juda tirishqoqlik bilan ishlaydi, mushak massasini to‘playdi. U siz tashqaridan ko‘ra olmaydigan mayda-chuydalarga ham e’tibor beradi.
Menimcha, Leni top-futbolchiga aylanadi, uni "Manchester Yunayted"da ajoyib faoliyat kutmoqda. Ammo u buning uchun har bir o‘yinda o‘z darajasini isbotlashi kerakligini biladi," - dedi Amorim.
