Ruben Amorim "Fulxem"dan uchralgan mag‘lubiyatdan keyin, Angliya kubogini tark etganini tushuntirdi.
"Manchester Yunayted" raqibiga penaltilar seriyasida mag‘lub bo‘ldi - 3:4.
"Birinchi bo‘lim oxirida gol o‘tkazib yuborganimizdan keyin ikkinchi bo‘limda gol urishga muvaffaq bo‘ldik. Bizga pressing uchun yuqoriga ko‘tarilish qiyinroq bo‘ldi, ammo maqsadimizga erishdik va gol ura oldik. O‘ylaymanki, biz bu o‘yinda eng yaxshi damlarni o‘tkazdik. Penaltilar seriyasi esa oxir-oqibat u yoki buning foydasiga hal bo‘lishi mumkin. Bugun bizning kunimiz emasdi.
Qayd etish kerakki, almashtirishlar evaziga ushbu uchrashuvda g‘alaba qozonish imkoniyatiga ega bo‘ldik.
Men penaltidan oldin futbolchilarni o‘zlarini erkin tutishlariga sharoit yaratib berishga harakat qilaman. Ular bu texnik masala ekanini bilishadi, lekin ular bunga xotirjam va ishonchli yondashishlari kerak" - dedi “Manchester Yunayted” bosh murabbiyi.
