"Manchester Yunayted" yevrokuboklarga chiqishni qiyinlashtirdi.

Murabbiy Ruben Amorim shogirdlari Angliya kubogi 1/8 finalida o‘z maydonida “Fulxem”ga (1:1, penaltilar bo‘yicha 3:4) mag‘lub bo‘ldi. Shu tariqa, "Manchester Yunayted" kubok orqali yevrokuboklarga chiqa olmaydi.

"Manchester Yunayted" Yevropa ligasi 1/8 finalida La Ligada 10-o‘rinni egallab turgan “Real Sosyedad” bilan to‘qnash keladi.

APLda "Manchester Yunayted" 27 o‘yindan so‘ng 33 ochko to‘plagan holda 14-o‘rinda, kuchli to‘rtlik va Chempionlar Ligasi zonasidan 14 ochko uzoqda.

Shu bilan birga, Angliya UYEFA reytingida peshqadam bo‘lgani uchun kelasi mavsumda Chempionlar ligasida beshinchi o‘rin uchun favorit hisoblanadi. "Mankunianliklar" turnir jadvalida 5-o‘rindan 13 ochko ortda qolmoqda.

Agar Angliya Chempionlar Ligasida beshta jamoaga ega bo‘lsa, oltinchi jamoa Yevropa ligasiga, yettinchi jamoa Konferensiyalar ligasiga yo‘l oladi. “Manchester Yunayted” 6-o‘rindan 11 ochko, 7-o‘rindan 10 ochko ortda qolmoqda.