"Манчестер Юнайтед" еврокубокларга чиқишни қийинлаштирди.

Мураббий Рубен Аморим шогирдлари Англия кубоги 1/8 финалида ўз майдонида “Фулхэм”га (1:1, пенальтилар бўйича 3:4) мағлуб бўлди. Шу тариқа, "Манчестер Юнайтед" кубок орқали еврокубокларга чиқа олмайди.

"Манчестер Юнайтед" Европа лигаси 1/8 финалида Ла Лигада 10-ўринни эгаллаб турган “Реал Сосьедад” билан тўқнаш келади.

АПЛда "Манчестер Юнайтед" 27 ўйиндан сўнг 33 очко тўплаган ҳолда 14-ўринда, кучли тўртлик ва Чемпионлар Лигаси зонасидан 14 очко узоқда.

Шу билан бирга, Англия УЕФА рейтингида пешқадам бўлгани учун келаси мавсумда Чемпионлар лигасида бешинчи ўрин учун фаворит ҳисобланади. "Манкунианликлар" турнир жадвалида 5-ўриндан 13 очко ортда қолмоқда.

Агар Англия Чемпионлар Лигасида бешта жамоага эга бўлса, олтинчи жамоа Европа лигасига, еттинчи жамоа Конференциялар лигасига йўл олади. “Манчестер Юнайтед” 6-ўриндан 11 очко, 7-ўриндан 10 очко ортда қолмоқда.