"Lill" hujumchisi Jonatan Devid fransuz klubi bilan shartnomasini uzaytirishdan bosh tortdi, deya xabar beradi Nikolo Skira.

Kanadalik futbolchi yozda klubni erkin agent sifatida tark etishga tayyor. Oldinroq Devidga APL, A seriya va boshqa mamlakatlardan takliflar borligi haqida ma’lumotlar paydo bo‘lgandi.

Devid fransuz klubi safida 2020 yil avgust oyidan buyon o‘ynamoqda, u "Gent"dan qo‘shilgan. Transfermarkt uni 45 million yevroga baholamoqda.

"Lill"ning 9-raqamli futbolchisi joriy mavsumda klub safida 33 ta o‘yinda maydonga tushib, 19 ta gol urdi va 7 ta golli uzatmani amalga oshirdi.