"Лилль" ҳужумчиси Жонатан Дэвид француз клуби билан шартномасини узайтиришдан бош тортди, дея хабар беради Николо Скира.
Канадалик футболчи ёзда клубни эркин агент сифатида тарк этишга тайёр. Олдинроқ Дэвидга АПЛ, А серия ва бошқа мамлакатлардан таклифлар борлиги ҳақида маълумотлар пайдо бўлганди.
Дэвид француз клуби сафида 2020 йил август ойидан буён ўйнамоқда, у "Гент"дан қўшилган. Transfermarkt уни 45 миллион еврога баҳоламоқда.
"Лилль"нинг 9-рақамли футболчиси жорий мавсумда клуб сафида 33 та ўйинда майдонга тушиб, 19 та гол урди ва 7 та голли узатмани амалга оширди.
