Milanning "Inter" klubi yetakchi himoyachisi Federiko Dimarko Angliyaning top-klublaridan birining qiziqishlari doirasiga tushib qoldi, deb yozadi Todofichajes portali.
Manbaga ko‘ra, 27 yoshli italiyalik futbolchini "Manchester Yunayted" o‘z safiga qo‘shib olmoqchi. Dimarkoning transferi "qizil iblislar"ning yozgi transferlar davridagi ustuvor maqsadi hisoblanadi. "Neradzurrilar" futbolchi uchun 50 million yevrodan kami taklif qilinsa, uni qo‘yib yubormaydi.
Federiko joriy mavsum Italiya chempionatida 24 ta o‘yin o‘tkazib, 4 ta gol urdi va 4 ta golli uzatmani amalga oshirdi. Himoyachining mehnat shartnomasi 2027 yilning yozida tugaydi.
