Миланнинг "Интер" клуби етакчи ҳимоячиси Федерико Димарко Англиянинг топ-клубларидан бирининг қизиқишлари доирасига тушиб қолди, деб ёзади Todofichajes портали.
Манбага кўра, 27 ёшли италиялик футболчини "Манчестер Юнайтед" ўз сафига қўшиб олмоқчи. Димарконинг трансфери "қизил иблислар"нинг ёзги трансферлар давридаги устувор мақсади ҳисобланади. "Нерадзуррилар" футболчи учун 50 миллион евродан ками таклиф қилинса, уни қўйиб юбормайди.
Федерико жорий мавсум Италия чемпионатида 24 та ўйин ўтказиб, 4 та гол урди ва 4 та голли узатмани амалга оширди. Ҳимоячининг меҳнат шартномаси 2027 йилнинг ёзида тугайди.
