"Lasio"ning tajribali hujumchisi Pedro "Milan" ustidan qozonilgan g‘alaba (1:2) va klubdagi kelajagi haqida fikr bildirdi.

"Ushbu o‘yinda gol urib, jamoamga uch ochko olishga yordam berganimdan juda xursandman. Raqib darvozasi oldida yaxshiroq o‘ynashimiz kerak, chunki biz ko‘p imkoniyatlar yaratyapmiz. Natija ustida ishlashda davom etamiz. Ba’zida zahiradan maydonga tushish qiyin bo‘ladi, bu har doim ham natija beravermaydi, lekin bor e’tiborimni "Lasio"ga qaratganman".

Mening kelajagim? Bu haqda klub bilan gaplashamiz. Juda xotirjamman, o‘zimni bu yerda qulay his qilyapman, ular jamoada qolishni istashimni bilishadi", - deya qo‘shimcha qildi Pedro.

Pedro “Lasio”ga 2021 yilning avgustida kelib qo‘shilgandi. Bu vaqt ichida 37 yoshli ispaniyalik futbolchi klub safida 162 ta o‘yin o‘tkazib, 30 ta gol va 16 ta golli uzatmani amalga oshirgan.