MOQda O‘zbekiston Respublikasi Prezidenti, Milliy Olimpiya qoʻmitasi raisi Shavkat Mirziyoyev tomonidan o‘tkazilgan videoselektorda berilgan topshiriqlar ijrosi, ularning nazoratiga bag‘ishlangan yig‘ilish o‘tkazildi.
Unda O‘zbekiston Respublikasi Prezidenti Administrasiyasi departamenti rahbari Odil Abduraxmanov, shuningdek, Sport, Oliy ta’lim, fan va innovasiyaslar, Maktabgacha va maktab ta’limi vazirliklari hamda MOQ rahbariyati qatnashdi.
Suhbatda aholi salomatligini oshirish, taʼlim muassasalarida sport klublarini tashkil etish va ularga imtiyozlar ajratish kabi mavzular muhokama qilindi.
Mutasaddilar o‘quvchi va talabalar o‘rtasida so‘rovnomalar o‘tkazgan holda ularning qiziqishlarini aniqlash, shu asosda sport klublarining faoliyatini yo‘lga qo‘yish borasida fikr almashishdi.
Shuningdek, mutaxassislar tomonidan ushbu jarayonni raqamlashtirish taklifi ilgari surildi.
