Dortmundning "Borussiya" klubi forvardi Karim Adeyemi Chempionlar Ligasi 1/8 finalidan o‘rin olgan "Lill"ga qarshi dastlabki o‘yin oldidan o‘z fikrlarini bildirib o‘tdi.
"Chempionlar Ligasining o‘tgan mavsumi jamoamiz uchun juda, juda yaxshi o‘tdi. Bu mavsumda ham ushbu turnir shunday o‘tishiga harakat qilishimiz kerak. "Lill" bilan o‘yin oldidan ishtiyoqimiz baland.
Ayni paytda men hali o‘zim xohlagan darajada emasman. Men hali ham raqib darvozasi oldida xavfliroq bo‘lishim mumkin va buni "Lill"ga qarshi o‘yinda ko‘rsatishga harakat qilaman," - dedi hujumchi matbuot anjumanida.
