Дортмунднинг "Боруссия" клуби форварди Карим Адейеми Чемпионлар Лигаси 1/8 финалидан ўрин олган "Лилль"га қарши дастлабки ўйин олдидан ўз фикрларини билдириб ўтди.
"Чемпионлар Лигасининг ўтган мавсуми жамоамиз учун жуда, жуда яхши ўтди. Бу мавсумда ҳам ушбу турнир шундай ўтишига ҳаракат қилишимиз керак. "Лилль" билан ўйин олдидан иштиёқимиз баланд.
Айни пайтда мен ҳали ўзим хоҳлаган даражада эмасман. Мен ҳали ҳам рақиб дарвозаси олдида хавфлироқ бўлишим мумкин ва буни "Лилль"га қарши ўйинда кўрсатишга ҳаракат қиламан," - деди ҳужумчи матбуот анжуманида.
