Ukrainalik darvozabon Andrey Lunin Madridning "Real" klubini tark etib, tumanli Albionga yo‘l olishi mumkin. Bu haqda «Todofichajes» jurnalistlari xabar bermoqda.
Manbaga ko‘ra, 26 yoshli darvozabonning transferiga "Manchester Siti" ustozi Xosep Gvardiola qiziqish bildirmoqda. Ispaniyalik mutaxassis ukrainalik futbolchi nomzodini 2024/2025 yilgi mavsum oxirida "shaharliklar"ni tark etishi mumkin bo‘lgan braziliyalik Ederson o‘rniga ko‘rib chiqmoqda.
Luninning "Real" bilan mehnat shartnomasi 2030 yilning yarmigacha mo‘ljallangan. Uning ehtimoliy transferi 30 million yevroga baholanmoqda.













