Украиналик дарвозабон Андрей Лунин Мадриднинг "Реал" клубини тарк этиб, туманли Альбионга йўл олиши мумкин. Бу ҳақда «Todofichajes» журналистлари хабар бермоқда.

Манбага кўра, 26 ёшли дарвозабоннинг трансферига "Манчестер Сити" устози Хосеп Гвардиола қизиқиш билдирмоқда. Испаниялик мутахассис украиналик футболчи номзодини 2024/2025 йилги мавсум охирида "шаҳарликлар"ни тарк этиши мумкин бўлган бразилиялик Эдерсон ўрнига кўриб чиқмоқда.

Луниннинг "Реал" билан меҳнат шартномаси 2030 йилнинг ярмигача мўлжалланган. Унинг эҳтимолий трансфери 30 миллион еврога баҳоланмоқда.