"PSJ" xavbeki Joau Nevesh Chempionlar Ligasi 1/8 finalidan o‘rin olgan "Liverpul"ga qarshi dastlabki o‘yin oldidan jamoasining holati haqida gapirdi.

"Chempionlar ligasining ilk mavsumida hozirgidan biroz qiyinroq bo‘lgandi. Ammo bu yomon o‘ynaganimiz uchun emas, shunchaki hozirgidek ko‘p gol ura olmagandik. Endi har bir o‘yinda bir xil yondashuv, bir xil ritm va bir xil o‘yin sifati bilan o‘ynaymiz. Bizda energiya ko‘p. "Liverpul" chindan ham yaxshi jamoa, ular Chempionlar Ligasida bejizga birinchi o‘rinni egallamagan," - dedi futbolchi matbuot anjumanida.