"PSV" bosh murabbiyi Peter Bosh o‘z maydonida "Arsenal"ga 1:7 hisobida mag‘lub bo‘lganidan so‘ng natija uchun kim aybdor degan savolga javob berdi.
"Kim aybdor, murabbiymi yoki futbolchilarmi? Ehtimol, ikkala tomon ham. Biz yomon o‘ynadik. Bu biz odatda ko‘rsatadigan yaxshi futbol emas.
Bizda reja bor edi, raqibni tahlil qildik, ammo yomon himoyalandik. Agar shunday o‘ynasak, muvaffaqiyatga erishib bo‘lmaydi.
Men hech qachon bunchalik katta hisobda yutqazishimni tasavvur ham qila olmasdim. Futbolchilarning hafsalasi pir bo‘ldi.
Natijani qabul qilishimiz kerak, garchi bu qiyin bo‘lsa ham", dedi Bosh.
