"ПСВ" бош мураббийи Петер Бош ўз майдонида "Арсенал"га 1:7 ҳисобида мағлуб бўлганидан сўнг натижа учун ким айбдор деган саволга жавоб берди.
"Ким айбдор, мураббийми ёки футболчиларми? Эҳтимол, иккала томон ҳам. Биз ёмон ўйнадик. Бу биз одатда кўрсатадиган яхши футбол эмас.
Бизда режа бор эди, рақибни таҳлил қилдик, аммо ёмон ҳимояландик. Агар шундай ўйнасак, муваффақиятга эришиб бўлмайди.
Мен ҳеч қачон бунчалик катта ҳисобда ютқазишимни тасаввур ҳам қила олмасдим. Футболчиларнинг ҳафсаласи пир бўлди.
Натижани қабул қилишимиз керак, гарчи бу қийин бўлса ҳам", деди Бош.
