Yarim himoyachi Arda Gyuler va hujumchi Endrik juda iste’dodli, ammo bu mavsumda ular "Real"da kam o‘yin amaliyotiga ega bo‘lishmoqda. Madrid klubi kelasi yozda futbolchilarni ijaraga berib, kerakli amaliyot olishi mumkinligini istisno etmaydi.

Goal portalining Bild nashriga tayanib xabar berishicha, 20 yoshli Gyuler bilan bog‘liq vaziyatni Germaniyaning "RB Leypsig" va "Ayntraxt" klublari kuzatib bormoqda. Shu bilan birga, ushbu klublarning birinchisi 18 yoshli Endrikni ham o‘z safiga qo‘shib olmoqchi. Ammo ehtimoliy ijara "buqalar" va "burgutlar"ning Chempionlar ligasiga chiqish-chiqmasligiga bog‘liq bo‘ladi. "Real" ijara vaqtida futbolchilarning eng yuqori saviyadagi o‘yinlarda maydonga tushishini istaydi.