Ярим ҳимоячи Арда Гюлер ва ҳужумчи Эндрик жуда истеъдодли, аммо бу мавсумда улар "Реал"да кам ўйин амалиётига эга бўлишмоқда. Мадрид клуби келаси ёзда футболчиларни ижарага бериб, керакли амалиёт олиши мумкинлигини истисно этмайди.
Goal порталининг Bild нашрига таяниб хабар беришича, 20 ёшли Гюлер билан боғлиқ вазиятни Германиянинг "РБ Лейпциг" ва "Айнтрахт" клублари кузатиб бормоқда. Шу билан бирга, ушбу клубларнинг биринчиси 18 ёшли Эндрикни ҳам ўз сафига қўшиб олмоқчи. Аммо эҳтимолий ижара "буқалар" ва "бургутлар"нинг Чемпионлар лигасига чиқиш-чиқмаслигига боғлиқ бўлади. "Реал" ижара вақтида футболчиларнинг энг юқори савиядаги ўйинларда майдонга тушишини истайди.
