"Inter" bosh murabbiyi Simone Indzagi Chempionlar Ligasi 1/8 finalidan o‘rin olgan "Feyenoord"ga qarshi dastlabki o‘yinda jamoaning o‘yinidan qoniqish hosil qildi.

Uchrashuv Rotterdamdagi "De Kuyp" stadionida bo‘lib o‘tdi va 2:0 hisobida Italiya jamoasi foydasiga hal bo‘ldi.

"Yigitlar haqiqatan ham yaxshi o‘ynashdi. Bu stadionda o‘ynash oson bo‘lmadi, lekin muxlislarimiz bizga katta yordam berishdi. Bugun biroz bosimga chidashimizga to‘g‘ri keldi, ammo futbolchilar kerakli vaziyatlarda hamjihatlik bilan harakat qilishdi. Javob o‘yini qanday sinovlar keltirishini bilamiz, ammo hozir men shunchaki juda baxtliman," - deya Indzagining so‘zlarini keltiradi UEFA matbuot xizmati.

11 mart, seshanba kuni Italiyaning Milan shahrida jamoalarning Chempionlar ligasidagi javob o‘yini bo‘lib o‘tadi.