"Интер" бош мураббийи Симоне Индзаги Чемпионлар Лигаси 1/8 финалидан ўрин олган "Фейеноорд"га қарши дастлабки ўйинда жамоанинг ўйинидан қониқиш ҳосил қилди.
Учрашув Роттердамдаги "Де Куйп" стадионида бўлиб ўтди ва 2:0 ҳисобида Италия жамоаси фойдасига ҳал бўлди.
"Йигитлар ҳақиқатан ҳам яхши ўйнашди. Бу стадионда ўйнаш осон бўлмади, лекин мухлисларимиз бизга катта ёрдам беришди. Бугун бироз босимга чидашимизга тўғри келди, аммо футболчилар керакли вазиятларда ҳамжиҳатлик билан ҳаракат қилишди. Жавоб ўйини қандай синовлар келтиришини биламиз, аммо ҳозир мен шунчаки жуда бахтлиман," - дея Индзагининг сўзларини келтиради УEФА матбуот хизмати.
11 март, сешанба куни Италиянинг Милан шаҳрида жамоаларнинг Чемпионлар лигасидаги жавоб ўйини бўлиб ўтади.
