"Feyenoord" markaziy himoyachisi David Gansko faoliyatini "Yuventus"da davom ettiradi. Bu haqda «Tuttosport» xabar bermoqda.
Manbaga ko‘ra, "Yuventus" niderlandiyaliklar jamoasi bilan 27 yoshli himoyachini 22 million yevroga transfer qilishga kelishib olgan. Ta’kidlanishicha, slovakiyalik Turinda bonus to‘lovlarisiz yiliga 2,5 million yevro ishlab topadi.
Joriy mavsumda Gansko barcha musobaqalarda 37 ta o‘yinda maydonga tushib, 4 ta gol urdi va 4 ta golli uzatmaga mualliflik qildi.













