"Фейеноорд" марказий ҳимоячиси Давид Ганцко фаолиятини "Ювентус"да давом эттиради. Бу ҳақда «Tuttosport» хабар бермоқда.
Манбага кўра, "Ювентус" нидерландияликлар жамоаси билан 27 ёшли ҳимоячини 22 миллион еврога трансфер қилишга келишиб олган. Таъкидланишича, словакиялик Туринда бонус тўловларисиз йилига 2,5 миллион евро ишлаб топади.
Жорий мавсумда Ганцко барча мусобақаларда 37 та ўйинда майдонга тушиб, 4 та гол урди ва 4 та голли узатмага муаллифлик қилди.













