Seshanba va chorshanba kunlari Chempionlar ligasi 1/8 finalining ilk o‘yinlari bo‘lib o‘tdi.

Natijalarga ko‘ra, "Liverpul" darvozaboni Alisson eng yaxshi futbolchi deb topildi.

Bu haqda UEFA rasmiy sayti xabar berdi. "PSJ"ga qarshi safardagi so‘nggi o‘yinda Alisson 9 ta seyv amalga oshirdi va oqshomning bosh qahramoniga aylandi.

Mersisaydliklar deyarli butun o‘yinni himoyada o‘tkazishdi, ammo mo‘’jizaviy tarzda gol o‘tkazib yuborishmadi va yakunda kamdan kam imkoniyatlardan birini golga aylantirib, 1:0 hisobida g‘alaba qozonishdi.

Xarri Keyn, Martin Edegor va Rodrigo ham Chempionlar ligasida haftaning eng yaxshi futbolchisi bo‘lish uchun da’vogarlik qilishgan.