Сешанба ва чоршанба кунлари Чемпионлар лигаси 1/8 финалининг илк ўйинлари бўлиб ўтди.
Натижаларга кўра, "Ливерпуль" дарвозабони Алиссон энг яхши футболчи деб топилди.
Бу ҳақда УEФА расмий сайти хабар берди. "ПСЖ"га қарши сафардаги сўнгги ўйинда Алиссон 9 та сейв амалга оширди ва оқшомнинг бош қаҳрамонига айланди.
Мерсисайдликлар деярли бутун ўйинни ҳимояда ўтказишди, аммо мўъжизавий тарзда гол ўтказиб юборишмади ва якунда камдан кам имкониятлардан бирини голга айлантириб, 1:0 ҳисобида ғалаба қозонишди.
Харри Кейн, Мартин Эдегор ва Родриго ҳам Чемпионлар лигасида ҳафтанинг энг яхши футболчиси бўлиш учун даъвогарлик қилишган.
