"Manchester Yunayted"ning bosh murabbiyi Ruben Amorim mahalliy muxlislar uni nimasi bilan hayratga solganini aytib o‘tdi.
Portugaliyalik mutaxassis noyabr oyida Erik ten Xag o‘rniga "qizil iblislar" jamoasini boshqarish vazifasini zimmasiga olgan edi. Jamoa Angliya Premyer-ligasining 27-turi yakuniga ko‘ra atigi 14-o‘rinni egallab turibdi.
Amorimning ta’kidlashicha, unchalik ishonchli bo‘lmagan natijalarga qaramay, muxlislar uni tez-tez maqtab turishadi: "Ular menga haqiqatan ham g‘alati tuyuladigan bir gapni aytishadi: "Sen yaxshi ish olib boryapsan". Ba’zida buni tushunishim qiyin bo‘ladi," - deya murabbiyning so‘zlarini United Zone keltiradi.
