"Манчестер Юнайтед"нинг бош мураббийи Рубен Аморим маҳаллий мухлислар уни нимаси билан ҳайратга солганини айтиб ўтди.
Португалиялик мутахассис ноябрь ойида Эрик тен Хаг ўрнига "қизил иблислар" жамоасини бошқариш вазифасини зиммасига олган эди. Жамоа Англия Премьер-лигасининг 27-тури якунига кўра атиги 14-ўринни эгаллаб турибди.
Аморимнинг таъкидлашича, унчалик ишончли бўлмаган натижаларга қарамай, мухлислар уни тез-тез мақтаб туришади: "Улар менга ҳақиқатан ҳам ғалати туюладиган бир гапни айтишади: "Сен яхши иш олиб боряпсан". Баъзида буни тушунишим қийин бўлади," - дея мураббийнинг сўзларини United Zone келтиради.
