"Manchester Siti" yozda yarim himoya chizig‘ini kuchaytirish uchun Eduardo Kamavingani asosiy transfer maqsadi sifatida belgiladi.

"Siti" yangi markaziy yarim himoyachiga muhtoj, Kevin De Bryuyne va Mateo Kovachich yozda jamoani tark etishadi. Shu nuqtai nazardan, Kamavinga o‘zining ko‘p qirraliligi tufayli ideal variantga o‘xshaydi.

"Real Madrid" o‘z yarim himoyachisining qadrini biladi, ammo yozda takliflarga ochiq. Fransiyalik futbolchining transfer narxi 60-70 million yevro bo‘lishi kutilmoqda va “Manchester Siti” bu summani muammosiz to‘lay oladi.

Bu mavsumda Kamavinga “Real” safida barcha turnirlarda 24 ta o‘yinda maydonga tushib, 1 ta gol va 2 ta golli uzatmaga mualliflik qilgan.