"Bavariya" Viktor Dyokeresh yoki Benjamin Sheshkoni o‘z safiga qo‘shib olmoqchi.

«Bild» insayderi Kristian Falkning ma’lum qilishicha, "Bavariya" hamon "Sporting" vakili Viktor Dyokereshga qiziqish bildirmoqda.

Myunxenliklarda hozir transferlar uchun unchalik ko‘p pul yo‘q, ammo klubdagilar Xarri Keynga o‘rinbosar kerakligini bilishadi. Ularda faqat bitta hujumchi bor va Tomas Myullerning kelasi mavsumda o‘ynashi noma’lum.

Ehtimoliy nomzodlar ro‘yxatida "Leypsig" vakili Sheshko va yana bir qancha hujumchilar ham bor. Qayd etilishicha, "Bavariya" hozircha Dyokereshning birinchi raqamli nishon ekanini aniqlamagan.

Bundan tashqari, Matis Tel uchun "Tottenxem"dan 60 mln yevro olish mumkinmi, degan savol ham bor. Bunday holatda Sheshkoning transferi amalga oshishi mumkin, uning narxi 70 mln yevroga baholanmoqda.