"Manchester Yunayted"ning bir guruh muxlislari Premyer-liga doirasidagi "Arsenal"ga qarshi o‘yinga qora libosda kelishadi. Shu tariqa, muxlislar klub o‘layotganini ta’kidlamoqchi. Norozilik aksiyasi yuzasidan "qizil iblislar" bosh murabbiyi Ruben Amorim izoh berdi.
"O‘ylashimcha, hozir klubimizdagi barcha uchun og‘ir davr. Men va futbolchilar faqat bir narsani qila olamiz - yaxshi o‘ynash va g‘alaba qozonishga harakat qilish. Odamlar norozilik bildirish huquqiga ega. Ular klubimizning bir qismi va har bir kishi ovoz berish huquqiga ega. Ammo mening ishim - jamoani yaxshilash va muxlislarga munosib narsa berish," - dedi Amorim matbuot anjumanida.
