"Манчестер Юнайтед"нинг бир гуруҳ мухлислари Премьер-лига доирасидаги "Арсенал"га қарши ўйинга қора либосда келишади. Шу тариқа, мухлислар клуб ўлаётганини таъкидламоқчи. Норозилик акцияси юзасидан "қизил иблислар" бош мураббийи Рубен Аморим изоҳ берди.
"Ўйлашимча, ҳозир клубимиздаги барча учун оғир давр. Мен ва футболчилар фақат бир нарсани қила оламиз - яхши ўйнаш ва ғалаба қозонишга ҳаракат қилиш. Одамлар норозилик билдириш ҳуқуқига эга. Улар клубимизнинг бир қисми ва ҳар бир киши овоз бериш ҳуқуқига эга. Аммо менинг ишим - жамоани яхшилаш ва мухлисларга муносиб нарса бериш," - деди Аморим матбуот анжуманида.
