"Liverpul" "Shtutgart"ning 23 yoshli yarim himoyachisi Anjelo Shtillerga qiziqmoqda, Yevropa matbuoti uni "Real"ning sobiq yarim himoyachisi Toni Kroosga qiyoslamoqda. Bu haqda jurnalist Caught Offside xabar berdi.
Manbaga ko‘ra, germaniyalik futbolchining shartnomasida 36 mln yevro miqdoridagi tovon puli bandi mavjud bo‘lib, u 2026 yildan kuchga kiradi. Biroq mersisaydliklar kelgusi yozda Shtillerni katta mablag‘ evaziga qo‘lga kiritishga urinib ko‘rishlari mumkin.
Joriy mavsumda Shtiller barcha musobaqalarda 37 ta o‘yinda maydonga tushib, 3 ta gol va 6 ta golli uzatmaga mualliflik qildi.
